Qoys Soomaali ah oo Doonaya Gabar ay dhaleen oo ku dhaacantay Westgate in Canada lagu soo celiyo

Nairobi Sept 27,2013(SDN)-Qoys Soomaali ah oo haatan ku nool dalka Kiinya balse heysta dhalashada dalkan Canada ayaa laba gabdhood oo qoyskaasi ka mid ahi waxa ay ku dhaawacmeen weerarkii Westgate dhawaanta lagu qaaday.

Labada hablood ee Dheeman iyo Fardowsa Cabdi ayaa ka mid ahaa dadkii waxyeeladu ka soo gaartay weerarkii Shabaabku sheegteen ee Westgate.

Dheeman Cabdi ayaa dhaawac fududi ka soo gaaray weerarka oo waxa haatan laga sii daayay cusbitaalkii ay ku jirtay.

Fardowsa Cabdi ayaase dhaawac ka soo gaaray lugaha dhakhaatiirtuna sheegeen in ay u baahan tahay kaalmo caafimaad oon oolin dalka Kiinya.

Dhakhaatiirta dabiibeysa Fardoowsa ayaa sheegay in ay suurto gal tahay in aaney dib u socon gabadha hadaan si degdega xaaladeeda loola tacaalin.

Axmed Cabdi oo ah abaaha dhalay gabadhan Fardowsa ayaa saxaafada Canada u sheegay in ay ka dalbadeen safaarada Canada ee Nairobi in ay gacan ka siiyaan sidii Fardoowsa loogu celin lahaa Canada si loo la tacaalo xaaladeeda caafimaad.

Si kastaba ha ahaatee hadal heynta qoyskan ka badbaaday weerakii Westgate Mall ayaa hadal heyntoodu aad ugu badneyd saxaafada dalkan Canada.

Xili sidoo kale ay dawladu aad u xiiseyneyso ugana baqaneyso in dhalinyaro Soomaali ah oo Canada ka tegay ku lug lahaayeen weerarka.

SDN-Nairobi
contact@somalidiasporanews.com