Qorilugud: Masiibo Ku habsatay Qoys 3-Carruur ah Oo Qarax Ku Dhimatay iyo 2-Dhaawac ah

Qorilugud:09-April-2014(SDN)-Saddex Carruur ah ayaa Dhimatay Laba kalena Dhaawac culus ayaa Soo Gaadhay Ka dib markii uu Qarax ku Habsaday Caruur isku Qoys ah oo Ku Noolaa Deegaanka Qorulugud ee Gobolka Buuhoodle.

Sida uu Qurbejoog.com u xaqiijiyey Taliyaha Booliska Degmada Qolugud Cismaan Taarwale, waxa uu Qaraxaasi ka dhacay Meel 2-KM dhinaca K oonfureed kaga Beegan Degmadda Qorilugud, halkaas oo Carruurtan oo isku Qoys ahi ay Taataabteen Qori Nooca Baasuukaha loo Yaqaano ah oo Aqalkooda Yaallay.

Taliye Cismaan ayaa intaas ku daray in Saddex kamid ah carruurtaas isku qoyska ka jeedaa ay halkaas six un ugu Googo’een, halka Laba kalena dhaawac culusi soo Gaadhay, isla-markaana Haatan lagula tacaalayo Magaalada Burco.

Magacyada Carruurta qaraxan ku Geeriyootay ayaa ay Magacyadoodu kala Yihiin sidatan.  Maxamuud Muuse Cabdilaahi oo 16-jir ahaa, Saynab Muuse Cabdilaahi oo 9-jir ahayd, Cawil Cismaan Mire oo isaguna 16-jir ahaa.

Sidoo kale Carruurta Dhaawaca ah ayey Magacyadoodu kala Yihiin,  Raxma Muuse Cabdilaahi oo 13-jir ah iyo Aadan  Muuse Cabdilaahi oo 11-jir ah.

Ubadkii Geeriyooday ayaa isla shalayba Halkaas Lagu Aasay, waxana Kuwa dhaawaca ah Burco lagu soo Gaadhsiiyey Gaadhi Ambulance ah oo ay Leedahay Ha’yadda Hallo trust oo Halkaas u Joogta Shaqo Miino Baadhiseed.

 

Qoyskii dhalay carruunta  Dhibaatadu Gaadhay, ayaa la sheegay in Xaalladoodu aad u liidato, iyadoo Waliba xaalladda Hooyada Carruurta Dhashay si Aad ah Looga Dayninayo.

 

 

S.D.N

Contact@somalidiasporanews.com