Qaraxii Shalay Muqdisho oo gilaaftay uun ruuxii Halaaga maleegayay
Muqdisho Mar 16,2014(SDN)-Ruux shalay fuliyay qarax lala beegsaday mid ka mida Hotelada magaalada Muqdisho ayaa noqdey ruuxii qura ahaa ee qaraxaa ku geeriyoodey sida laga soo xigtay goobjoogeyaal.
Ruuxa ismiidaamiyay ayaa ilaa iyo haatan la hubaa in uu yahay cida qura ee ku geeriyootay bartilmaansigii Hotel Maka Al Mukarama oo qaraxyo hore loogu weeraray.
Qaraxa ayaa ka dhacay xaga danbe ee Hotel Maka Al Mukarama iyaada oo la garan waayay sababta dhabta ah ee ruuxa ismiidaaminayay uu halkaa ku doortay.
Sida muuqata waxa ruuxan damacsanaa in Hotelka isku qarxiyo ayaa si kam ah ay walxihii uu sitay ay ula qarxeen kiyoon gaarin wejiga hore ee Hotelka oo bar tilmaasigiisu ahaa.
Ma aha markii u horeysay ee kooxaha isqarxiyaahi ay si aaney fileyn u noqdaan kuwo aaney u suurtogelin in ay cid aan naftooda aheyn gilaaaftaan.
SDN-Muqdisho