Qarax xoogan oo maanta Muqdisho ka dhacay iyo faahfaahinta

Muqdisho. . 3 November, 2022. (QJ)- Wararka naga soo gaadhaya degmada Deyniile ee magaalada Muqdisho ee dalka Soomaaliya ayaa sheegaya in goor dhawayd qarax xooggan uu ka dhacay nawaaxiga Aargada degmadaasi.

Warar kala duwan ayaa ka soo baxaya nooca qaraxa, wararka qaar waxey sheegayaan inuu ahaa gaadhi walxaha qarxa laga soo buuxiyay, halka warar kale ay tilmaanayaan inuu ahaa qarax Miino oo wadada dhineceeda la galiyay.

Wararka hordhaca ah ee la helayo ayaa sheegaya in qaraxan uu sababay khasaare culus oo dhimasho iyo dhaawacba leh, iyadoo uu ku gubtay gaadhi Cabdi Bile ah oo ay wateen ciidamadda dawladdu.

Gurmadka dadka waxyeeladu ay gaadhay ayaa ka socda halkaasi, iyadoo ciidamadda la beegsaday sidoo kale rasaas ooda kaga qaadeen dadka shacabka ah, taasoo iyana dhalisay khasaare kale.