Qarax xoogan oo ka dhacay Banaanka hore ee safaarada Maraykanka ee Magaalada Ankara, Turki

Ankara Feb 01 2013 (SDN)– Dhawr qof ayaa ku dhaawacmay qarax ka dhacay banaanka hore ee Safaarada Maraykanka ee Magaalada Ankara ee dalka Turkiga.

Taleefashinka NTV ayaa soo badhigay muuqaalo muujinaya dabiyo burburay oo u dhaw dhismaha Safaarada Maraykanka ee ku taala Magaalada Ankar ee Caasimada dalka Turkiga.

Wakaalada AP aya soo warisay in la arkay meydad yaalay wada gaar ahaan banaanka hore ee Safaarada Maraykanka ee dalka Turkiga.

Majiraan warbixino hordhac ah oo si cad u muujinaya qasaaraha uu geystay Qaraxaasi Majiraan kooxo deg deg u sheegtay weerarka goordhaw ka dhacay meel u dhaw safaarada Maraykanka ee Ankara.

Taleefashinka dowladdu maamusho ee TRT ayaa sheegay in dadyar ay ku dhaawacmeen qarax islamarkaana ay yimaaden goobta dhawr Ambulance oo dadka dhawacmay qaadayay.

SDN-Ankara