Qarax Khasaare Geystay Oo Xalay Lagu Qaaday Magaalada Jowhar
Jowhar:19-Jan-2014(SDN)-Waxa Habeenkii Xalay Qarax ka Dhacay Xaafad ka mid ah Magaalada Jawhar, waxana Halkaas ka Dhacay Khasaare aan illaa iyo Hadda si Rasmi ah loo wada Ogayn.
Xaafada Qaraxa uu ka dhacay ayaa lagu magacabaa Hanti-wadaag, gaar ahaan Qeybta Labaad,waxaana sida goob joogaal halkaas ku sugnaa sheegayaan inuu inta la ogyahay geystay Dhaawac laba qof oo mid ka mid ahi Dumar ahayd.
Warar aan la hubin ayaa sheegaya Qaraxa uu ahaa mid lagu carqaladeynayay Raashiin qeyb ka socoto Degmadaasi, waxana khal khal iyo cabis badani soo foodsaartay dadka shacabka ah, kuwaas oo aan ilaa iyo xalay Guryahooda ka soo bixin.
Qaraxan wali cid ka tirsan dawladdu kama ay hadlin, balse waxa uu ka mid yahay ammaandarrada laga dareemayo meelaha ay xukuumadu gacanta ku hayso oo xilliyada habeenkii dhacdooyinka oo kale ka dhacaan.
S.D.N