Philippe Lazzarini iyo wafdi uu hoggaaminayo oo gaaray Jowhar
Jawhar 20.Aug 2013 (SDN)- Wafdi uu hoggaaminayo isku duwaha arrimaha bini’aadannimo ee Qaramada Midoobay, Philippe Lazzarini ayaa maanta gaaray magaalada Jowhar ee xarunta gobolka Shabeellaha Dhexe.
Wafdiga Qaramada Midoobay ayaa booqashadiisa ku tilmaamay mid ay ugu kuurgalayay xaaladda bini’aadannimo ee ka jirta gobolka.
Wafdiga ayaa isugu jira hay’adaha World Health Organization, hay’adda carruurta u qaabilsan Qaramada Midoobay ee UNICEF, hay’adda UNDP, UNOCHA iyo INTERSOS.
Nabaddoon Xasan Qaasim Qeyley oo ka mid ah waxgaradka gobolka oo kulan la qaatay wafdiga ayaa Bar-kulan u sheegay inay wafdiga u gudbiyeen warbixin ku saabsan baahiyaha bini’aadannimo ee ka jira gobolka.
Wafdiga oo markii hore ka dhoofay garoonka diyaaradaha ee Muqdisho ayaa isla maanta dib ugu laabtay Muqdisho.
Jawhar SDN.