Nin Qorulugud ku Dilay nin shacab ah iyo ninkii dilka gaystay oo isla Goobtii lagu dilay

Qorulugud,02,Apr.2014,(SDN)-waxa galabta magaaladda Qorulugud ka dhacay laba dil oo midkood nin Dilay kii kalena isla beeshu goobtii ku dishay, kadib markii shilkaasi ka dhacay goob maqaaxi ah oo nin rasaas ku furay isagoo laba nin oo kalena ku dhaawacay.
Dilalkan oo si kadisa ah u wada dhacay lama garanayo sababta keentay hase yeeshee waxa lagu war helay rasaas uu ninka danbe ee la Dilay la dhacay koox maqaaxi fadhida kuwaas oo aan la garanayn waxa dhex maray, waxaanu isla markii uu arkay maydka mid ka mid ah ragii uu rasaaseeyey iyo laba dhaawac ah isku dayey in uu baxsado.
Dadkii goobta fadhiyey oo isla qoyska dadka dhintay iyo kuwa dhaawacmayba ka soo jeedaan ayaa isla goobtiii ku toogtay Ninkii markii uu cabaar ka baxsaday, waxaanay labadii Maydba yaalaan magaaladda qorulugud halka dhaawacii la keenay Cisbitaalka Burco.
Illaa hada ma jiro wax war ah oo ka soo baxay Booliiska hase yeesheew axay wararka naga soo gaadhaya magaaladda Qorulugud sheegayaan in xaaladu degan tahay.
Qurilugud,SDN.