Mwai Kibaki oo sheegay in weerarada Kenya ka soo dhaca laga soo abaabulo Somaliya

Nairobi  SDN 21 2012 (SDN)— Madaxwayanaha dalka kenya Mwai Kibaki ayaa  sheegay in dalka kenya ay ka dhaceen weeraro argagixiso  oo laga soo maleegay dalka soomaaliya kuwaasi oo uu ku eedeeyay inay ka danbeeyaan ururka Alshabab oo xiriir la leh urur waynaha Al-Qaacida.

Mwai  Kibaki ayaa sheegay inay sii wado doonaan ilaalinta muwaadiniinta kenyaanka ah iyo sidii qataraha ka imaanaya Alshabab looga difaaci lahaa dalka Kenya waxaan uu carabka ku sii adkeeyay inay la dagaalami doonan Alshabab ee ka jira dalka soomaaliya.

“ waa masuuliyada Dawlada inay amaanka xaqiijiso oo ay  ka hor tagto qataraha  ka imaan kara  dibada iyo gudahaba” waxa yiri  Mwai Kibaki.

Madaxka ugu saraysa dalka Kenya ayaa waxay marar badan ay sheegeen in weerarada ka dhaca gudaha dalka Kenya  laga soo maleego  gudaha dalka soomaaliya.

SDN-Nairobi