Muxuu Daranaa Kormeer Kediso ah oo Madaxweyne ku Xigeenka Somaliland ku tagay Dawlada Hoose Hargaysa?

Hargaysa 23.Aug 2014 (SDN/QJ)- Madaxweyne Ku Xigeenka Jsl C/raxmaan Cabdilaahi Saylici,ayaa Maanta Kormeer Kadis ah Ku tagay Xarunta Dawlada Hoose ee Caasimada Hargaysa.

Madaxwayne ku Xigeenka oo ujeedada Kormeerkiisu la xidhiidhay sidii uu u darsi lahaa  Habsami u socodka hawlaha shaqo ee ay Dawladaha Hoose ugu xil-saaran yihiin Qaranka,Xoojinta Bilicda Caasimada,iyo dardar-gelinta hawlaha adeeg ,iyo Bulsho ee Dawladaha Hoose.
Madaxwayne ku Xigeenka oo kulan la yeeshay Duqa caasimada Hargaysa  Cabdiraxmaan Maxamuud Caydiid (SOLTELCO) kuxigeenka Duqa , Cabdicasiis Cago-weyne, Xoghayaha Dawlada Hoose,iyo Masuuliyiin kale oo ka tirsan Dawlada Hoose ,ayaa waxa uu kala hadlay in ay xoojiyaan ,isla markaana ay laba laaban laabaan  adeegii shaqo ee ay ummada u hayeen.

Madaxweyne Ku xigeenka Somaliland waxa uu ku adkeeyay sidii dib loogu furi lahaa sariibada Qudhac-dheer oo ahmiyad balaadhan ugu fadhida dadwaynaha ku dhaqan degmadda Maxamuud Haybe, waxaanu tilmaamay in furista sariibadaasi ay jiitantay loona baahan yahay in la furo si dadweynuhu ay uga maarmaan inay ka soo adeegtaan suuqa Hoose.

Duqa Caasimada  C/Raxmaan Maxamuud Caydiid oo hadal kooban halkaasi ka soo jeediyay ayaa waxa uu sheegay in masuuliyiinta dawlada hoose ay diyaar u yihiin dadaal kasta oo ay u arkaan in ay ku wanaajin karaan adeega ay Bulshadooda u hayaan.

Madaxweyne Ku xigeenku waxa uu dusha ka maamulaa mashruuca JPLG-ga ee horumarinta dawladaha Hoose.

Hargaysa SDN/QJ

contact@qurbejoog.com