Muuse Biixii oo ciidan uu Awdal dib uga soo raray geeyay Godaweyn, iyo rasaas halkaa ka dheceysa

Hargeysa Jan 25, 2024 (QJ) – Wararka ka imanaya degaanka Godaweyn ayaa sheegaya in halkaasi uu Muuse Biixi geeyay ciidamo degaan ka sameysta buuraha Gacan libaax.

Wararka ayaa intaa raacinaya in durba halkaa xalay laga maqlayay rasaas goos goos ah oo aan la garaneyn cida rideysa.

Muuse Biixi oo aan weli ka soo kaban jabkii ka soo gaaray jabkii ciidamadiisa lagu laayay ee ka dhacay buurta Gacan Libaax ayaa haatan doonaya in uu halkaa xarun ka sameysto inta aaney jabhadu dib ugu laaban.

Muuse oo dib u soo celiyay diidmadisii doorashooyin dalka ka dhaca ayaa haatan qaatay colaad ka dhan ah beelaha mucaaridka iyo isbedel doonka dalka.

Faahfaahino dheeri weli kama soo bixin ciidankan lagu daabulay degaanka Garxajis ee Godaweyn iyo in ay cidi wax ku noqotay rasaastii teelteelka aheyd ee halkaa laga maqlayay.

Halkan kala soco wixii ka soo kordha arinkaa