Muuse Biixi oo aan tegin aaska Khadra Daahir, tacsina dirin weli

Hargeysa (QJ)- Madaxweynaha Somaliland ayaan saaka tegin aaska fanaanadda waynayd ee Khadra Daahir Cige oo ka mid ahayd fannaaniinta loogu jecelahay Geeska Afrika iyo Jasiirad-la-mooda Soomaalida, iyadoo 15 saacadood kadib geerideeda aanu wax tacsi ah u dirin.

Lama oga sababta ku kaliftay Muuse Biixi arintan xili uu Hargeysa joogay saaka, tacsina weli dirin.

Hore waxa loo ogaa in madaxweynaha lagu dhaliilay in aanu tegin aaskii AHU Muj Xassan Guure iyo Gen. Jaamac Yare.

Mucaaradka Somaliland, gaar ahaan Faysal Cali Waraabe, ayaa Muuse Biixi ku dhaliilay in uu necebahay beel gaar ah oo aanu xattaa tegin aasaskooda dadka haldoorka ah.