mushkiladaha maanta iyo silsilada miimley
maansadan waxa la yidhaa (maati dulman ) waxaanan ku cabirayaa ku dhawaaqistii foosha xumayd ee jaamacada hargeisa ku dhaqaaqday lacag kordhin . waana silsilad uu abwaan kastaa ka soo dhiiban karo fikirkiisa silsiladan waxa la yidhaa ( miimley ) waxaanay u gar naqaysaa shicibka iyo dawlda iydoon midna taageero gaar siinayn. waana tan
marka hore salaan guud
hadraawoow salaan gaar
marka xiga nin magacloo
murtida aabaheedoo
maankii dalkaygoo
markiskii aqoontoo
maskax lagu hubaa tahay
ana ruux mar iyo laba
maatida u doodoo
miciinkoodiibaan ahay
maqlay maanso siinley
maqlay maanso deeley
maantana mushkiladuhu
miimlay ha keenaan
waxaan maanata maansada
miimka uga bilaabeen
magacaaga ugu ladhay
maankii dalkaad tahay
waxa jira mushkiladiyo
musuqmaasuq diineed
waxa jira mushahar qoran
meel mari la daba galin
waxa jira is miinayn
Aan la odhan maxaa dhici !
Ardayda iyo maatida
ma in loo miciinaa
mise waa in lagu xidho
xaq waxay mutaysteen
bal la kaasho maankoo
hadraawoow bal misaan
mushkilad koobi maayee
midaan uga gol leeyahay
waa madaxda qaarkood
oo mushkilad abuuroo
muquuniyay aqoontii
jaamacada qarankana
mansabkay lahaydiyo
muuqii aqoontaba
u min guurshay sayladoo !
markuu waa dilaacaba
baayacaaya maatida
oo leh keen mushahar kale
Ardaydoo midaysani
mid mid waxay u bixiyaan
malaayiino doolaar
mana jiro wax maan gala
oo maanta maatida
lagu saaro miisaan
maati weeyi shicibkuye
maanta yaan la gaagixin
mustaqbal bay sugaayaan
ee yaan laa garab marin
mida kale hadraawoow
nin maraykan soo maray
maba oga dalkeeniyo
dhibta maatideenee
maxaa loo galbinayaa
maamul loogu dhibaa ?
ma xusuusataa waa
lagu madhiyay shicibkoo
dhagaxtuur miciinkii
maatidu sameeyeen
duruustii la soo maray
hadii aan la milicsanin
mar labaad ka filo balo
kuna mahadi shaydaan
ka nasahan macbuudkeen.
miimka iyo maansadu
maankayga weeyee
murtidaada soo daa.
mustafe maxamuud sh. muxumed [abwaanka]
mail:muxumed016@outlook.com