Museveni oo Soomaaliya u sheegay in ay ciidamadeeda dhisato

Muqdisho. 9 August, 2022 (QJ)- Madaxweynaha Uganda Yuweri Museveni ayaa sheegay in dowladdiisa ay diyaar u tahay inay Soomaaliya ka caawiso dagaalka ay kula jirto alShabaab, balse uusan dalkiisu lahayn awood dhaqaale oo uu ku bixiyo mushaaraadka ciidamada Soomaaliya.

“Waxaan Soomaaliya ka caawin karnaa sidii Al Shabaab looga adkaan lahaa, haddii ay tahay su’aashu hub, waan iibsan, direys waan iibsan karnaa oo xitaa cunno ayaan qeybin karnaa, laakiin ma maarayn karno mushaarka,” ayuu yidhi madaxweynaha Uganda.

Museveni waxa uu sheegay dhaqanka ah in saaxiibada Soomaaliya ee caalamiga ah, sida Imaaraadka, Qatar iyo Turkiga – ay maalgeliyaan hubeynta iyo tababaridda askarta Soomaaliya, aysan ahaandoonin mid waaraysa. Waxa uu intaa ku daray in nabadgelyadu ay lama huraan u tahay jiritaanka qaran Soomaaliya.

Madaxweynaha Uganda ayaa hadalkan sheegay kaddib kulan uu la qaatay madaxweynaha Soomaaliya Xasan Sheekh Maxamuud oo magaalada Kampala ku tagay booqasho laba maalmood ah.