Muqdisho: Qarax Gaadhi Waxyaabaha Qarxa laga soo Buuxiyay oo ka Dhacay Hutel Maka Al Mukarama

Muqdisho 15,March 2014 (SDN)-Qarax xooggan oo loo adeegsaday gaari laga soo buuxiyay waxyaabaha qarxa ayaa maanta ka dhacay dhabarka dambe ee hoteelka Maka Al-Mukarama ee degmada Hodan.

Dad goob-joogeyaal ah ayaa Warfidiyeenada u sheegay in askari ka mid ah ilaalada hoteelka uu dhaawac ka soo gaaray qaraxa.

Lama oga cidda lala beegsanayay qaraxa, iyadoo firirkiisa uu gaaray dhul ballaaran.

Qaraxa ayaa waxyeello u geystay gawaari ku jirtay garaash ku yaalla goob u dhow halka ay wax ka dhaceen.

Goob-joogeyaal ayaa  sheegay  in gaariga qarxay uu yaallay meesha la dhigto baabuurta.

Ciidamo ka tirsan kuwa dowladda federaalka ayaa isla markiiba gaaray goobta uu qaraxa ka dhacay, waxayna xireen jidadka ka ag dhow hoteelka Maka Al-Mukarama.

Muqdisho SDN.

Qurbejoog.com