Mudane Ka Tirsan Baarlamaanka Filand Oo Baarlamaankiisa U Gudbiyay Mooshin Uu Ku Dalbanayo Aqoonsiga Somaliland
17,May,2014(SDN/QJ)- Xildhibaan Aino-Kaisra PEKONEN, oo ah mudane ka tirsan Baarlamaanka Finland, ayaa Baarlamaankiisa u gudbiyay mooshin uu ku dalbanayo in la aqoonsado Somaliland.
Xildhibaanka ayaa khamiistii doraad, wuxuu Baarlamaanka u gudbiyay mooshinkaas oo uu ku faahfaahiyay xaqa ay Somaliland u leedahay in la aqoonsado, waxaanu xildhibaanku ka soo jeedaa xisbiga Vasemmistoliito.
Xilddhibaanka oo hore ula kulmay guddoomiyaha Baarlamaanka Somaliland ahna guddoomiyaha xisbiga Waddani Md. Cabdiraxmaan Maxamed Cabdillaahi Cirro, isagoo guddoomiye Cirro xildhibaanka ka codsaday inuu u h awlgalo sidii loo aqoonsan lahaa Somaliland.
Haddii Mooshinkan la ansixiyo, waxa ay dawladda Finland kaga jawaabi doontaa muddo saddex toddobaad ah, sida uu sharcigu dhigayo.
Talaabadan ayaa noqon doonta guul Somaliland u soo hoyatay, waxaanu Baarlamaanka Finland noqon doonaa Baarlamaankii u horeeyay ee aqoonsada Jamhuuriyadda Somaliland.
SDN/QJ-Findland
Xigasho: Geeska
contact@somalidiasporanews.com