Meydadka laba ruux o Soomaali ah oo laga soo saaray Dabaq ku gubtay Minneapolis

Minneapolis Jan 04,2013(SDN)-Fooq ku yaal magaalada Minneapolis oo ay ku noolaayeen dad Soomaali ah oo dab qabsaday maalmo ka hor ayaa laga helay meydka laba ruux oo dabka ku dhintay.

Dabkan oo sarta ka qarxay aroornimadii Arbacadii ayaa waxa ku dhaawacmay 14 ruux oo Soomaali ah,ilaa iyo ahaatana lama shaacin sababta dabka dhalisay.

Maalinimadii Jimcaha ee shalay ayaa waaxda dab demiska ee magaalada Minneapolis waxa ay gebi ahaanba dumiyeen Dabaqa dabku burburiyay.

Sartan oo sadex dabaq aheyd ayaa ku taala xaafada Soomaalida ugu badani ku nooshahay magaalada Minneapolis.

Labada meyd ee ilaa iyo haatan laga soo saaray daarta ayaan la cadeyn magacyadooda si eheladooda loola socodsiiyo.

SDN-Minneapolis

contact@somalidiasporanews.com