Maxkamada Degmada Balli Gubadle oo Dil ku Xukuntay Gacan ku dhiigle Marxuun Dhintay Sumeeyay
Balli Gubadle 24.Nov 2014 (SDN/QJ)- Maxkamada Gobolka Hawd Ayaa Dil Ku xukuntay Gacan ku dhiigle, Cabdi Aadan Aw Maxamed “ Ina Duceeye”, oo shan iyo Sodon jir ah, Ka dib markii ay Maxkamadda horteeda Kaga cadaatay inuu dilay 29-kii Bishii Septembar 2014 ka, kuna dilay Idhanka Balli/Gubadle , Marxuum la odhan jiray Faysal Cismaan Aadan Liibaan.
Maxkamada Gobolka Hawd Markii ay dhegaysatay Shan markhaati oo ay Xeer ilaalintu Maxkamada horkeentay iyo qiraalka Gacan ku dhiigle Cabdi aadan Aw Maxamed Ina Duceeye U qirtay Saddex marag oo Aabihii ku jiro Inuu Marxuum Faysal Cismaan Aadan Liibaan Biyo Sun ugu daray sidaasina ku dhintay, Waxa Si buuxda Maxkamadda horteeda ugaga cadaatay Gacan ku dhiigluhu inuu Dilkaasi Gaystay,Waxaanay Maxkamaddu Ku Xukuntay Gacan ku dhiigle Cabdi aadan Aw Maxamed Ina Duceeye Qisaas dil ah .
Waxaanay Maxkamaddu Xukunkan u Cuskatay,Aayadaha 178 iyo 179 ee Suradda al-baqara, iyo Aayadda 93 aad ee Suuradda Nisa, Aayada 62Aad ee Suuradda Furqaan, iyo aayadaha 32aad iyo 45aad ee Suuradda Maa’id. Iyo Qodobada 434aad, 305 aad ee Xeerka Ciqaabta.
Balli Gubadle SDN/QJ