Man United oo 3-1 Ku Khaarijisey QPR

Old  Trafford-Nov-25-2012-qurbejoognews.com-Asxaabtay qormadeena ciyaaraha waxaynu galabta ku eegeynaa ciyaar  aad u xiisa badneyd kana tirsanaeyd horyaalka ka socda carigaa Ingiriiska( Premier League) dhexmarteyna Man united iyo Queens Park  Rangers.

Runtii ciyaartan oo aad iyo aad u xiisa badneyd ayaa waxaa ka soo qeybgaley dadweyne aad u badan oo garoonka soo buuxiyey iyo dabcaan waxaana halkaa ka maqneyn taageerayaasha waraabowga qaba ee labada dinac.

Haddaba ciyaartan oo dar dar ku bilaabantey ayaaba Man United looga naxsadey goolkii ugu horeeyey waxaana si xalad leh ugu farayareystey xiddiga reer Queens Park RANGERS Daqiiqadii 52-aad Jamie Mackie.

Man Unitd oo wanaha farta ku haysa ayaa markii la iskugu soo noqdey qeybtii labaad ee ciyaarta Man United wxay la soo baxdey ciyaar cajiib ah oo ku wajahan weerer aan kala joogsi lahayn.

QPR oo weerka badan khaati ka taan iskuna ciil kaambineysa maxaa goolka ugula hormarteen ayaa Man United waxaa goolkii laab qaboojiska u saxeexey daqiiqaddii 64-aad Laacibka Jonathan Evans,kii labaadna ee laablakaca waxaa daqiiqaddii 68-aad Darren Flletcher,kii qalbijabkana waxaa ku sagootiyey daqiiqaddii 72-aad xiddiga reer Mexico Javier Hernandez, goolashana waxay ku kala dhaliyeen 7-daqiiqo gudahood.

Man United waxay dib uula wareegtey hogaaminta horyaalka Premier League, waxayna ku hogaamineysaa 30-dhibcood.

W/qorey Jaahuur

qurbejoognews.com

jjaahuur @hotmail.com