Magacyadii Shantii musharax Ee Hal Mar Iska Casilay Ururka Ucid Kuwaasi Oo dhamaantood Ka Tartamayey Degmada Burco

Burco 20-11-2012-(SDN)- Shan murashax oo ka mid ahaa murashaxiintii xisbiga UCID u soo sharaxay degmadda Burco, ayaa maanta shaaciyay inay is casileen kana hadheen tartanka doorashada goleyaasha deegaanka.

Murashaxiintan oo magacyadoodu kala yihiin Suldaan Axmed Maxamed, Cabdilaahi Aadan Abokor, Farxiya Cumar Yuusuf, Khadar Cali Cabdilaahi iyo Cabdi Axmed Shidde, waxay shir jaraa’id oo ay si wada jir ah ugu qabteen Burco ay ku sheegeen inay tartanka doorashada deegaanka uga baxeen ka dib markii ay arkeen wada shaqayn la’aan jirta maamulka xisbiga mucaaridka ah ee UCID.

Murashaxiintaasi ma ay sheegeen xisbiga ay taageereyaashooda ku wareejiyeen, hase yeeshee waxay dhaliilo u soo jeediyeen xisbiga UCID oo ay ka tirsanaayeen.

wwwQurbejoog.com Hargeysa