Madaxweyne Xasan oo ciidamadii Eretria lagu tababaray dagaal ugu baaqay

Muqdisho January 02, 2023 (QJ)-Madaxweynaha Soomaaliya Xasan Sheekh Maxamuud oo maanta kormeeray Xerada Jeneraal Goordan ee magaalada Muqdisho oo xarun u ah Ciidamada Xoogga dalka ee tababarka kusoo qaatay dalka Ereteriya ayaa ciidamda ku wargeliyey in ay isu diyaariyaan ka qayb galka dagaalka dalka looga xoreynayo Al-shabaab.

Madaxweynaha ayaa la wadaagay ciidamda rajada dowladda iyo shacabka Soomaaliyeed ay ka qabaan in ay ciidamadu soo dhammeystiraan dagaalka dawlada ee ka dhanka ah Al Shabaab. Ciidamadan oomudo dood ka taagneyd tegidoodii iyo joogitaankoodii Ereteriya, ayaa dhawaan dalka dib loogu soo celiyay.