Madaxweyne Siilaanyo oo la filayo inuu u duulo Dubai oo ay ku kulmayaan Sh. Shariif

Hargeysa, 26 june 2012 (Qurbejoog)- Madaxweynaha Somaliland Md. Axmed Maxamed Maxamuud (Siilaanyo) ayaa la filayaa inuu maalmaha soo socda u duulo dalka Imaaraadka Carabka, halkaasoo sida wararku sheegayaan uu kula kulmid doono Sheekh Shariifka Soomaaliya.

Iyadoo aanay si rasmi ah Xukuumaddu wax war ah uga soo saarin ayaa ilo xogo-gaal ahi tibaaxayaan in Madaxweynaha iyo wefti uu hogaaminayaa u duulayaan magaalada Dubai ee isu-taga Imaaraadka carabta halkaasoo ay kaga sii horeeyaan weftigii hore uga qayb galay wada-hadaladii Soomaaliya, waxaana la filayaa inay halkaas ku kulmaan Madaxweyne Siilaanyo Madaxweynaha Soomaaliya oo hore loo shaaciyay inay kulmi doonaan.

Qurbejoog, Hargeisa