Madaxweynaha Soomaaliya oo magacaabay raiisul wasaare

Muqdisho Oct 06,2012(SDN)- Madaxweynaha Soomaaliya Md Xasan Sheekh ayaa maanta xafalad uu Muqdisho ku qabtay waxa uu ku magacaabay shakhsiga qaban doona xilka raiisul wasaarenimada Soomaaliya.

Mudane Cabdi Faarax Shirdoon oo Saacid looyaqaano ayaa xilka Raiisul wasaarenimada loo magaacaabay maanta.

Madaxweynaha iyo guddoomiyaha Baarlamaanka oo labaduba goobta hadalo ka yiri ayaa u rajeeyay raaiisul wasaare Saacid in eebe u fududeeyo xilka loo magacaabay.

Raiisul wasaaraha cusub ayaa ah ruux aqoon durugsan u leh cilmiga dhaqaalaha,waxaanu hore uga soo tirsanaa wasaaradihii Maaliyada iyo Beeraha ee dawladii hore ee Soomaaliya.

Burburkii dabadiina waxa uu xarun ka dhigtay dalka Kiinya oo uu hay’adaha samafalka kala soo shaqeeyay.

Waa ruux ku cusub siyaasada dalka inkasta oo lagu tilmaamay nin fahamsan caqabadaha Soomaalida ee burburkii dabadii.

 

SDN-Muqdisho

contact@somalidiasporanews.com