Madaxweynaha Soomaaliya oo la kulmaya Ra’iisul wasaaraha Japan Shinzu Abe

Yokahama May 31 2013 (SDN)— Madaxweynaha Soomaaliya Xasan Sheekh Maxamuud iyo wafdi uu hogaaminayo oo gaaray Magaalada Yokahama ee Japan ayaa lagu wadaa in uu maanta la kulmo Ra’iisul wasaaraha dalkaasi Shinsu Abe.

Afhayeenka Madaxweynaha C/raxmaan Cumar Cusmaan “Yarisoow” ayaa sheegay in Ra’iisul wasaaraha Japan iyo Madaxweynaha Soomaaliya ay kawada hadli doonaan Arrimo xasaasi ah oo quseeya Soomaaliya iyo sidoo kale in la sii wado taageerada la siiyo dowladda Soomaaliya.

Kulanka kadib ayaa waxaa Magaalada Yokahama waxaa ka furmi doona shirka hormarinta Afrika ee Japan oo ay Soomaaliya qeyb ka tahay.

Shirka ayaa waxaa ka qeybgalaya Madaxda Afrika waxaana lagayaab in dhaqaalo loogu aruuriyo dowladda Soomaaliya si looga qeybqaato dib u dhiska Soomaaliya oo waqti dheer burbursanaa.

SDN-Yakahama