Madaxweynaha Ruushka oo Dafiray in uu Fargal Dhacay

London June 17,2013(SDN)-Madaxweynaha dalka Ruushka Valademir Putin ayaa dafiray in uuganacsade Mareykan ah ka dhacay Fargal Superbal Championska la gudoonsiiyo.

Afhayeenka Madaxweynaha ayaa sheegay in mr Putin fargalka hadiyad ahaan uu u siiyay mulkiilaha kooxda New England Patriots  Robert Kraft.

Kraft ayaa booqday Moscow xili uu la socdey wefdi ganacsato ah oo Putin la kulamay sanadii 2005tii.

“waxaan iska saaray fargalkii Super Bowlka si aan madaxweynaha u tuso,Putin ayaa deeto igu yiri fargalkan qof waa loo dili karaa,ka dibna waa uu la dhaqaaqay fargalkii”ayuu yiri Kraft mar uu saxaafada la hadlay.

Afhayeenka Putin ayaa sheegay in Fargalka hadiyad ahaan loo siiyay,balse uu mulkiilihii siiyay uu diyaar u yahay in uu mid kale u iibiyo.

Dad goobjoog ahaa oo iyaguna saxaafada la hadlay ayaa sheegay in ay arkayeen tiyoo madaxweynaha hadiyad ahaan fargalka loo guddoonsiinayo.

Fargalka Super Bowlka ayaa haatan yaala goob dadku ka daawadaan oo ku taal aqalka Kirimlinka ee Moscow.

SDN-Moscow

contact@soalidiasporanews.com