Madaxwaynayaasha Somalia iyo Uganda oo Kampala ku shiray
Kampala 12.May 2014 (SDN/QJ)- Madaxweynaha DF Xasan Sheekh Maxamuud iyo Madaxweynaha dalka Uganda Yuweri Muzevani ayaa xalay ku kulmay aqalka Madaxtooyada dalkaasi.
Labada masuul ayaa ka wada hadlay xiriirka labada dal iyo arimo ku saabsan ciidanka Amisom xilli kulanka ay goobjoog ahaayeen Wasiirka Gaashaandhigga Maxamed Sheekh Xasan Xaamud,Taliyaha ciidanka xoogga dalka Daahir Aadan Cilmi oo safarka Madaxweynaha ku wehliye.
Inkastoo aynaan helin xogta rasmiga ah ee ku aadan nuxurka wadahadalka ayaa saraakiisha Madaxtooyada ka tirsan waxa ay inoo xaqiijiyeen kaliya in lagawada hadlay arimaha la dagaalanka Al-Shabaab iyo xiriirka dhinac.
Wasiirka gaashaandhiga iyo Taliyaha ciidanka Xooga ayaa la kulmay Taliyaha ciidanka Milateriga dalka Uganda iyo Wasiirka Gaashaandhiga dalkaasi oo ay kala hadleen sidii loosii wadi lahaa howlgalka AMISOM ee Soomaaliya maadaama miisaanka ugu culus ee howlgalkan Dowladda Uganda ay ku leedahay.
Ka sokoow wararka ku aadan arimaha Milateriga iyo xiriirka labada Dowladood waxaa jirta guux ku aadan in labada Madaxweyne ay kawada hadleen arimaha ku aadan siyaasada beryahan kacsan ee Soomaaliya balse ilo wareedyada Madaxtooyada ka tirsan nooma aysan xaqiijin arimahaasi.
Safarka Madaxweynaha dalka Uganda uu ku tagay ayaa qaadanaysa muddo hal cisho ah waxaana suuragal ah in Xasan Sheekh Maxamuud uu isla maantaba dalka dib ugu soo noqdo.
Xasan Shiikh ayaa waxaa ku kacsan Xildhibaano ka tirsan Baarlamaanka kuwaasoo ku dhaliilay waxqabad la’aan Dowladiisa mudadii ay jirtay iyo inay ku fashilantay balanqaadyadii uu Madaxweynaha horay ujeediyay.
Guux siyaasadeed waliba oo soo kala dhexgala Madaxda Dowladda waxaa faraha kula jira Dowlado shisheeye oo aanan dooneyn xalka Soomaaliya sida ay qabaan Siyaasiyiin arimaha Soomaaliya si aad ah ugu dhuun duleela.
Lama yaqaan ilaa iyo hadda halka uu ku biyo shuban doono khilaafkan soo kala dhexgalay madaxda DF iyo xubno ka tirsan baarlamaanka oo hadda la sheegayo inay sii korortay tirada doonaysa Xasan Shiikh inuu is-casilo.
Kampala SDN/QJ.
contact@somalidiasporanews.com