Madaxda Wasaarada Waxbarashada iyo Ardayda Dugsiyada oo Hawl gal Nadaafadeed ka fuliyay Wasaarada Waxbarashada ilaa Cisbitaalka Guud ee Hargaysa

Hargaysa 16.May (SDN) Wasiirka wasaarada Waxbarashada Marwo ZamZam Cabdui Aadan oo ay weheliyaan Masuuliyiinta kala duwan ee Wasaarada, Ardayda iyo Macalimiinta Dugsiyada  Caasimada Hargeysa qaarkood ayaa maanta  Olole Nadaafadeed ka fuliyay inta u dhaxaysa Wasaaradda Wax-barashada ilaa iyo isbitaalka Guud ee Hargeysa ,munaasibadda  sideed iyo tobanka May ee inagu soo aadan awgeed.

 

Wasiirka wasaarda waxbrashada  Marwo  ZamZam Cabdsi Aadan oo ka hadashay Ololahaasi  Nadaafadeed  ee ay maanta qaaday wasaaradda waxbarashadu waxay sheegtay, in bahda waxbarashada Guud ay ka qayb qaadanayaan,waxa ay sheegtay in  Dugsiyada 26Juun,Faarax Oomaar iyo Xarunta wasaarada waxbarashada  loo qoon-deeyey  inay Ololahan nadaafadeed kaga shaqeeyaan  inta u dhaxaysa  wasaaradda waxbarashada ilaa  dhakhtarka weyn . Masuulityiinta  iyo Dugsiyada kalena  loo qoondeeyey inay ka   dugsiyadooda iyo agagaarka ku dhow ay   ka shaqeeyaan.

 

Waxaanay Marwo ZamZam cabdi Aadan intaa raacisay in Guud ahaan wasaaradda waxbarashada iyo Ardaydu ay wada qayb qaadanayaan  ololaha nadaafadeed ee wasaarad ahaan ay  kaga qayb qaadanayaan u diyaar garowga  Munaasibadda Maalinta Qaranimada ee sideed iyo tobanka May.

Hargaysa SDN.

Qurbejoog.com