Madal Xafladeed Xalay Ay Ardeyda Somaliland Ee Perlis Malaysia Kula Kala Wareegayeen Xilka Gudoomiyanimo Iyo Ku Xigeenkiisa

Xaflad xalay ka dhacdey putra palace hotel, kangar Malaysia oo ahayd madal is huwan oo koobsatey wajiyo badan ayaa si sharaf iyo maamus leh loogu sacabo tumay xil wareejin ka dhacdey halkaasi,

Xilkan oo ah mid sannadle ah, sannadkiiba ay jaaliyadda Ardeyda Somaliland ee gobolka Perlis, Malaysia kula kala wareegaan xilka gudoomiyonimo iyo gudidiisaba, halkaas oo Warbaahinta QURBEJOOG.COM ay goob joog ka ahayd, ayaa waxaa ka soo qayb galay gudoomiyaha Somaliland ee Jaliyadda UUM, University Utara Malaysia, iyo gudidiisa oo si heer sharaf leh loogu soo dhaweeyey Madashan.

Sidoo kale waxaa halkaasi ka soo qayb galay gudoomiyihii here ee xilkan wareejinayey Abdirisaq Abdillah Abdi (Sheekhaawi) oo si maamus leh uga warramey soona koobay waxqabad wax ku ool ah oo ay ka fuliyeen mudadii ay xilka hayeen isaga oo ku dheeraadey dhanka isku duubnida iyo midnimada Ardey Somaliland ahaanimo faaidada ay leedahay, waxaanu sidoo kale u mahad celiyey dhamaan ka soo qayb galayaasha xafladaasi, gaar ahaan waftiga ka socdey jaaliyadda UUM.

Waxaa isna halkaas hadal dheer ka jeediyey gudoomiyaha jaaliyadda jamacadda UUM Farax Axmed, oo si qoto dheer uga waramey muhiimada isku imaatinkan iyo xilkan xalay la wareejinayey, waxa uu godoomiye Farax kalmado dardaaran, waano iyo ducaba u jeediyey dhamaan ka soo qaybgalayaashii isaga oo si gaar ahaaneed talo iyo tusaalena u jeediyey gudida iyo godoomiyaha cusuba,

Xafladan oo u muuqatey mid si meeqaam sare loo soo agaasimay ayaa gabagabadii waxaa xilkii la wareegay gudoomiyaha cusub Ahmed Hassan Adan iyo G/xigeenkiisa oo kala wareegay gudoomiyihii hore iyo gudidiisii, halkaas oo uu godiimiye ku xigeenka jaliyadda Somaliland ee Perlis, Malaysia kaga dhawaaqey gudida cusub una rajeeyey waxqabad iyo hufnaan, shegayna in hawl culus u taal.

 

Gudoomiye:   Ahmed Hassan Aden

G/xigeen:        Ahmed Mohamed Abdillahi

Xubin  :            Mohamed Adam Hassan

Xubin :             Saed Mohamed farah

Xubin:              Osman yusuf  Osman