“ Madaarkaad Xaafadda Ku Sheegayso Cigaal International Ayaa Ku Qoran , Cigaal Yuu Aha Ma Xaafadaasu Ahaa Waar Xishooda Madax Dhaqameed Ayaad Tihiine ..” Suldaan Cawil Fiiqle

Hargaysa 16.May 2015 (SDN/QJ)- Suldaan Cawil Fiiqle oo ka mid ah madax dhaqameedka Reer Somaliland ayaa jawaab kulul ka bixiyay hadal ka soo yeedhay Sudlaan ka soo jeeda Beesha Degta Galbeedka Hargaysa oo Shalay af lagaadeeyay Madaarka Hargaysa  .

Suldaankaas shalay hadlay oo ka soo jeeda Beesha Degta Galbeedka Hargaysa ayaa madaarka Hargaysa ku tilmaamay Mid xaafadeed isla markaana cod dheer ku sheegay in ay dhisanayaan Madaarro kale waxaana hadalkaasi jawaab kulul ka bixiyay Suldaan Cawil Fiiqle waxaanu suldanku farta ku fiiqay sida Suldaankan Hadlay deegaanka uu ka soo jeeda uga sad badsadeen Beelaha kale ee Somaliland .

Sidoo kale suldan Fiiqle ayaa carrabka ku adkeeyay in Madaarka Hargaysa aanu  Ceeb lahayn balse uu yahay Madaar caalami ah loona baahanyahay in amnigiisa la adkeeyo sidaas daradeedna ay la gudboontahay Madax dhaqameedka in ay ixtiraamaan Nidaamka Madaarrada .

Suldaan Fiiqle aya meesha ka saaray oo sheegay in aanu madaarka Hargaysa ahayn Madaar  xaafadeed balse uu yaahay madaar caalami ah kuna xardhanyahay Magaca Madaxweynihi hore ee Cigaal oo ahaa mid ay isku deegan yihiin Suldaankan shalay Caayay Madaarka .