Macnaha magaca ama ereyga Habar muxuu ka tarjumayaa, xagguuse inagaga yimi?
Waxa jira afaf badan, oo luuqaddeenna Soomaaliga ah, soo dhax-gallay. Ereyo badan oo aan ka bawsannay dadkii inna soo booqday, ama isticmaarsiga innoogu yimid, ayaa dhaxal ahaan afkeenna ugu dhax-milmay.
Kalmadihii innagu cusbaa badhkood, oo odhaahdoodu ay innagu adkaatay, oo uu carrabkeennu jili kari waayay, ayaan sidii aan ku maqalnay si ka duwan aan ugu dhawaaqnay; oo aan ka dibna sidii iskugu tabbinnay.
Waxa iyaguna jira hormo kale, oo aan macnahoodii ay lahaayeen, ee ay qoomamkii innoo keennay ay u yaqaanneen, aan innagu ka baddalnay, oo aan macno kale oo aan ahayn koodii saxda ahaa, aan u la baxnay. Waxa ka mid ah: habar.
Habar waa erey soo gallooti ah. Waxa uu innooga yimid: (Hebrew). Asal ahaan ereygu waa lab. Waxa uu la macno yahay: reer.
Sidaa daraadeed, waxa uu habar innagu soo gaadhay, oo ay dadkii innoo keennay u la jeeddeen: reer. Laakiin sida ay dad badani u fahamsanyihiin, ee ay hooyo uga la macno dhiggayayaan, ma ahan.
Tusaale:
|
Magaca Beesha |
Habar = Hooyo |
Habar = Reer |
| Habar Toljecle | Hooyo Toljecle | Reer Toljecle |
| Habar Awal | Hooyo Awal | Reer Awal |
| Habar Garxajis | Hooyo Garxajis | Reer Garxajis |
| Habar Yoonis | Hooyo Yoonis | Reer Yoonis |
| Habar Gidir | Hooyo Gidir | Reer Gidir |
Waxa kale oo iyaduna xussid mudan, in aanu ereygan habar oo kali ahi aanu (Hebrew) inooga imannin e, ay jiraan ereyo kale oo ay isaga isla lug ahaayeen; oo ay isla soo haajireeni.
Maxamed Sheekh Daahir