Maanso:jawaabtii heestii cabdi-qaboojiye ee jawaabtii abwaan ilko-jiir

Waa gabay jawaab u ah fanaanka reeroobay ee lagu magacaabo cabdi qaboojiye ee sida indho la,aanta ah u difaacaya adeerkii siilaanyo

Dalkii  wada saqiiryoo

Sumcadii halowdoo

Gabalkii socdaaliyo

Subaxii yimaadaba

Goboladan sokeeyiyo

Saaxil iyo ber bera iyo

Salal iyo hargeisiyo

Kolay tahay sanaag bari

Ama sool agteedii

Sas baa laga dareemoo

Siigaa   asqaysoo

Sawaxan baa baxaayoo

Cadaaladi saqiirtoo

Sinaantii muquuratay

Cadceed samada joogtana

Sacabadu ma qariyaan

Siilaanyo waa oday

Wax kastuu sameeyona

Siyaasadiisa gaar ka ah

Ilaa bari samaadkii

Sabadiisa gaarkiyo

Nin socdaal lagalayoo

Halgankii la la socday iyo

Saaxiibkii rumaadiyo

Boobaa sifeeyoo

Sadarada ku qorayoo

Su,aal kale  mataalee

Raggii aan sugaayiyo

Haduu seexday weedh-same

Anaa sarakacaayee

Waadigan siraatee

Suntii soo hunqaacee

Qabyaaladi ku sidatee

La saloogan reernimo

Dhiigii samada tegay

Saldhigaagii qarannimo

Burush-baad ku saydhoo

Sumcadaadii laalantay

Saacadaa aan joognana

Sumcadii fanaanino

Sifaheedii  guudnimo

Salabaanu kaa marin

Wax kalood samaysiyo

Ninka saaran fooqee

Siilaanyo dhaafee

Arimaha sar gooyee

Saran yahay kan diidiyo

Xirsiyood surwaalkiyo

Saabaankiisa  qaadood

Sacabada u leeftiyo

Secretorry-daciifiyo

Saaxiib qaboojiye

Soomaali land imo

soona doono jago kale.

Khadar hassan

Gabiley  somaliland

Borama_39@hotmail.com