Liverpool oo Faraciddile Ku Baxsatey Markii 3-2 Ku Ambibixisey Man City. By Jaahuur.

London-13,April-2014-(SDN)-Asxaabtay faaqidaadeena ciyaaraha waxaynu ula haajireynaa xagaa iyo cariga Ingiriiska iyo Liverpool oo hal ciyaari uga dhimantahay hanashada horyaalka Ingiriiska (Premier League).

Haddaba ciyaartii ugu xiisaha badneyd waxay galabta dhexmartey Liverpool iyo Man city,runtiina waxay ahayd ciyaar aan waxba la isu reeban qolo waliba waxay ku dadaaleysey 3-da dhibcood jeebka ku ridato.

Tageerayaasha labda dhinac ee qeylada iyo sawaxanka taagnida ku dhameysta ayaa garoonka soo buuxiyey iyo dadweyne kor u dhaafey 50,000.

Ciyaarta oo ku bilaabantey weerero badan oo aay isku qaadayeen ayaa Liverpool goolkii ugu horeeyey indhaha ku furatey daqiiqaddii 7-aad kii labaadna waxay u raaciyeen daqiiqaddii 26-aad,qeybtii horana waxaa lagu kala nasty Liverpool 2 Man City 0.

Qeybtii labaad ee ciyaarta ayaa Man City boodhka iska jaftey markii daqiiqadii 57-aad gooolkii ugu horeeyey ku nafistey kii labaadna waxay u raaciyeen daqiiqaddii 66-aad,laakiin goolkii rajo la’aanta iyo qalbijabka ahaa Liverpool waxay ku sagootisey Man City daqiiqaddii 77-aad.

Saddexada koooxood ee isku xagxaganaya horyaalka waxa aay u kala horeeyan sida tan.

Liverpool-77

Chalsea-72

Man City-70

W/qorey Jaahuur

SDN

jjaahuur@Hotmail .com