10:57 am | Posted by

Kulan uu ka Qeybgalay Madaxweynaha oo logu soo dhaweynayay Aqoosigii Maraykanka oo maanta ka dhacya Muqdisho

Muqdisho Jan 24 2023 (SDN)– Munaasabad ballaaran oo ay soo qaban qaabiyeen Maamulka Gobalka Banaadir ayna ka qeybgalayaan masuuliyiin ka tirsan Dowladda Soomaaliya ayaa maanta waxa ay ka socotaa Magaalada Muqdisho.

Ujeedka munaasabada ayaa waxa ay tahay sidii Dowladda Soomaaliya ay umuujin laheyd aqoonsiga Dowladda Mareykanka dhawaan ay aqoonsatay dalka Soomaaliya.Madaxweynaha Soomaaliya Xasan Sheekh Maxamuud Ra’iisul Wasaaraha dalka Soomaaliya,Guddoomiyaha Baarlamaanka Soomaaliya iyo Xubno kale oo ka tirsan Dowladda ayaa ka qeybgalaya munaasabadaasi.

Madaxweynaha Soomaaliya oo halkaasi ka jeediyay khudbad dheer ayaa wuxuu kaga hadlay guushii taariiqiga aheyd ee uu kasoo hooyay wadahadalkii Dowladda Soomaaliya iyo dalka Mareykanka dhexmaray.

Xasan Sheekh ayaa sheegay in guusha usoo hooyatay dalka Soomaaliya ay tahay mid ku timid isfahanka ka dhaxeeya masuuliyiinta Dowladda Soomaaliya isaga oo sheegay in dadaal ay bixisay Dowladda lagu keenay.

Tan iyo markii Madaxweynaha Soomaaliya Xasan Sheekh Maxamuud iyo sidoo kale Madaxweynaha Mareykanka Obama ay yeesheen kulan Soomaaliya lagu aqoonsaday ayaa waxaa Magaalada Muqdisho ka dhacaye banaanbaxyo iyo xaflado lagu soo dhaweynaye aqoonsiga Mareykanka ee Soomaaliya.

Comments are closed