Kiinya oo Al Shabaab ka dishay 10 dagaalyahan

Garissa January 19, 2023 (QJ) – Ciidamada amaanka Kiinya ayaa sheegtay in dhawaan hawgal ay ka fuliyeen aaga xadka Soomaaliya ku dileen 10 ka mid ah degaalyahanada Al Shabaab.

Madaxa booliska Gobolka Soomaalida Woqooyi bari George Sada ayaa saxaafada u sheegtay in ka dib kolkii ay heleen xog ku saabsan in ay kooxdaasi ku dhuumaaleysaneysay Debon ay weerareen.

Hawlgalka ayaa yimi maalin uun ka dib kolkii dagaalyahanadaasi ay weerer ku dileen askari waday gaari shidaal goob ku dhaw saldhiga booliiska Bodhai.

Taliyuhu waxa uu sheegtay in goobtii ay Shabaabku ku dhuumaaleysanayeen in ay kula wareegeen hub iyo saanad ciidan.