Khasaaraha ka dhashay Dagaal Laba Beelood ku dhex maray Magaalada Taleex iyo Xal la’aanta Taagan
Taleex 22 April, 2015 (SDN/QJ)-Ugu yaraan 6 ayaa ku dhintay, halka tiro kalena ay ku dhaawacmeen Dagaal la isku adeegsaday noocyada kala duwan ee hubka, ayaa shalay ka dhacay magaalada Taleex ee magaalo madaxda Gobolka Xaysimo oo ku taala xaduudka Gobolka bariga Somaliland, oo qiyaas 175-KM dhinaca Bari kaga beegan magaalada Laascaanood.
Dagaalkan oo u dhexeeya laba beelood oo wada-dega Degmada Taleex, ayaa la sheegay inuu bilaamaya 6:00 subaxnimo ee shalay , isla markaana wararka aanu ka helayno deegaanka Taleex waxay intaa ku dareen inuu haatan ka socdo agagaarka daaraha caanka ah ee Daraawiishta, iyagoo tilmaamay in rasaasta ugu badan laga maqlaayo Qalcadda Silsiladaha ah.
Sidoo kale, dad ku sugan deegaanada dagaalku ka socda ayaa u sheegay inay socda dadaallo badan oo lagu doonayo in lagu hakiyo dagaalkan, balse weli laguma guulaysan in la joojioy dagaalka, iyadda oo dhinaca kale ay soo baxayaan baaqyo ka imaanaya deegaano kala duwan, kuwaasoo lagu dalbanayo in dagaalka la joojiyo.
Taleex SDN/QJ