Iiraan oo u Caga jugleysay Israel,ka dib duqeyntii ay u geysteen Syria

Tehran Feb 05,2013(SDN)-Xoghayaha guud ee golaha sare ee amniga qaranka  iiraan Mr. Saciid Jaliili ayaa sheegay in Israaiil ay ka shanleyndoonto falka cadawtinimada ah ee ay kula kacday Suuriya.

Hadalka uu jeediyey Mr. Jaliili ayaa ah mid uu ula jeeday weerarkii xagga cirka ahaa ee loo maleynaayo in  Israaiil ay toddobaadkii hore ku qaaday  gudaha Suuriya.

Xoghayaha guud ee golaha amniga Iraan ,Saciid Jaliili oo shir jaraaid ku qabtay magaalada  Dimishiq ee xarunta wadankaasi Suuriya ayaa ugu baaqay wadamada dunida muslimku in ay jawaab  ay ku dhaqaaqaan jawaab waafiya oo laga bixiyo duqeynta ay Israaiil ku qaaday Suuriya, waxaanu intaasi ku daray isagoo farta ku fiiqay in mawqifka Suuriya  ay ku taageerto kooxaha wax iska caabinta wada inuu yahay , sababta keentay in  lagu qaado qorshyaal cadawtinimo ,oo ka dhan ah Suuriya kuwaasi oo ah ayuu yidhi  kuwo aargudasho ah.

Sidoo kale waxaa uu Mr.Saciidi uu sheegay in wadahadalo qaran oo la iskugu yimaada ay yihiin, waxa kaliya  ee lagu furdaamin karo xiisada ka aloosan wadankaasi Suuriya.

SDN-Tehran

contact@somalidiasporanews.com