Howlgalo Lagu Sugayao Amaanka Oo Saaka Ka Socdo Wadada Warshadaha
Ciidamada Nabadsugida ayaa howlgalo baaritaano ah kawada wadada warshadaha ee Magaalada Muqdisho halkaasi oo gaaadiidka iyo dadka shacabka ah ay ku baarayaan.
Qaar kamid ah shacabkii soo maray wadada ayaa sheegay in ciidanka Nabadsugida ay baarayaan gaadiidka dadkana sidoo kale ay su’aaalo weydiinayaan.Howlgalkaan ayaa la sheegaya in lagu xaqiijinayo ammaanka Magaalada Muqdisho oo maalmahan dambe noqday mid aan wanaagsaneyn marka loo eego qaraxyada iyo dilalka qorsheysan ee Magaalada ka dhacaya.
Saraakiisha ciidanka Nabadsugida ilaa hada faah-faahin kama aysan bixin ujeedka howlgalka iyo cida lagu soo qab qabtay ilaa iyo iminka.
Wararka qaar ayaa sheegaya in ciidanka AMISOM gaar ahaan kuwa Booliiska ay ka qeyb qaadanayaan Baaritaanka ciidanka Nabadsugida ay wadaan oo ka socda wadada warshadaha.
Nawaaxiga Xarunta Jaamacada Simad ee wadada warshadaha ayaa la sheegay in shacabka iyo gaadiidka ay ku baarayaan ciidanka Nabadsugida halkaasina su’aalo lagu weydiinayo dadka shacabka ah iyo kuwa ay ka shakiyaan.