Howlgallo Balaaran oo saakay ka soconaya Degmooyin ka tirsan gobolka Banaadir

Muqdisho May 21 2013 (SDN)— Howlgallo balaaran ayaa saakay ka soconaya xaafado kamid ah degmooyinka Wardhiigley iyo Howlwadaag ee gobolka Banaadir.

Howlgallada ayaa waxaa siwada jir ah u fulinaya Ciidama dowladda Soomaaliya iyo kuwa AMISOM waxaaana xaafada sida weyn ay uga soconayaan kamid ah, xaafada Xamarjadiid, wadada warshadaha, Suuqa Bakaaraha iyo meelo kale.

Isku socodka Gaadiidka iyo dadka ayaa xayiran waxaana la sheegayaa in ciidamada howlgalka sameynaya ay gacanta ku dhigeen dad badan oo qaar kood lagu tuhmayo Amnidara Muqdisho ka jirta.

Dadka kusugan xaafadaha ay howlgaladu ka soconayaan oo aan Telfonka kula xiriiray ayaa sheegaya in xaaladu ay adagtahay islamarkaana aysan jirin cid guryahooda saakay ka soobaxay madaama ay dadku baqanayaan.

Iskuulada labada degmo ee howlgaladu ay ka soconayaa ayaa xiran madaama ardaydii aysan soo bixi karin oo laga cabsiqabo in Ciidamada dowladda iyo kuwa AMISOM ay xiraan.

Howlgaladaan ayaa daba socda howlgallo shalay ciidamada dowladda ay ka sameeyeen isla xaafadaahasi.

SDN-Muqdisho