Holland oo soo Baxdey Iyo Spain oo Ka Huleeshey (World Cup Brazil 2014) By Jaahuur)

Brazil-18-June-2014-(SDN) Saaxiibayaal qormadeena ciyaarha waxaynu ula haajireynaa xagaa iyo Brazil  oo xulal daaqadda ka baxeen iyo qaar kale oo wadnaha farta ku haya.

Waxaynu ka war qabnaa iney koobkan kubadda cagta ee aduunka aay ka soo qeybgaleen 32-ba dawladood ,wareegga horana waxaa ka soo baxaya 16-ban,yaa haddaba ka shubey?

Haddaba hadeynu soo qaadano labadii ciyaarood ee ugu xiisaha badneyd waxaa isku faataxeystey Holland  VS Australia iyo Chile VS Spain.

Haddii aynu soo qaadano ciyaartii dhexmartay Chile iyo Spain ,ayaa la islahaa Spain waxay ka soo kaban doontaa fadeexaddii ka raacdey ciyaartii dhexmartey Holland oo 5-an gool dhabarka loo saarey maantana Chile ayaa 2-ba ugu dartey.

Waxaana qeybtii hore ee ciyaarta 2-da gool aay Chile uga badisey Spain u kala saxeexay Vergas iyo Aranguiz.

Ciyaartii kale ee xiisaha badned waxay dhexmartay Holland iyo Australia,runtii waxay Australia waxay ku dadaaleysey iney soo kabanto,laakiin umey suura galin.

Holland oo soo dubatey Spain ayaa haddana u hanqal taageysey iney ka daba dirto Australia weyna kaga dhabeysey.

Qeybtii hore ee ciyaarta goolkii ugu horeeyey waxaa Holland waxaa u saxeexey Robbin daqiiqaddii 20-aad,waxaa u jawaabey Cahill daqiiqaddii 21-aad .

Qeybtii dambe ee ciyaarta Australia goolkii labaad oo Rigoore ahaa waxaa u dhaliyey daqiiqaddii 54-aad Jedinak.laakiin Holland oo aan is dhiibin goolkii bar-badhaca waxaa shabaqa ku hubsadey Van Persie,kii qalbi jabkana waxaa u raaciyey daqiiqaddii 68-aad Memdhs.

Holland 3- Australi- 2

Chile 2- Spain-0

W/qorey Jaahuur

SDN

jjaahuur@hotmail.com