Hay’ada Cilmi Baarista iyo Dalada Haweenka Puntland oo iska kaashanaya Wacyi gelinta Doorashooyinka

Garoowe May 24,2013(SDN)-Dedaalo wacyi gelin ah oo lagu dhiiri gelinayo Haweenka Reer Puntland in ay ka qeyb qaataan doorashooyinka goleyaasha degaanka ayaa ka socda guud ahaan Puntland.

Ololahan oo ay wada jir isaga kaashanayaan Hay’ada P.D.R.C iyo Dalada Haweenka Puntland ayaa ka socda caasimada Garoowe.

Madaxa P.D.R.C Cali Faarax Farmiyeeri ayaa saxaafada u sheegay in Bacdamaa Haweenku yihiin lafdhabarta Bulshada ay muhiim tahay in ay ka qeyb qaataan Doorashooyinka.

Haweenka Puntland ayaa sidoo kale si gaar ah loogu dhiiri gelinayaa in ay isku soo sharaxaan goleyaasha Degaanka.

Marwo Abshiro oo ka mida xubnaha guddida Doorashooyinka Puntland ayaa Haweenka ku dhiiri gelisay ka qeyb qaadashada doorashooyinka.

Waxaaney sheegtay in hoos loo dhigay lacagaha laga doonayo musharixiinta oo fursad u siineysa Haweenku in ay isu soo taagaan goleyaasha degaanka.

SDN-Garoowe

contact@somalidiasporanews.com