Hawlgal lagu dilay hogaamiye ka tirsan Al Shabaab

Muqdisho December 17, 2023 (QJ) -Howlgal ay si wada jir ah u fuliyeen ciidamada Kumaandooska Soomaaliya iyo kuwa Mareykanka ayaa lagu bartilmaameedsaday sarkaal sare oo ka tirsan Al-Shabaab oo ku sugnaa gobolka Jubbada Dhexe. Howlgalka oo ka dhacay gobolka Jubbada Dhexe ayaa waxaa lagu dilay taliyaha oo la sheegay in uu hoggaaminayay falaagada Al-Shabaab.
“Tani waa tallaabo kale oo ka dhan ah AS oo ay ciidamada xoogga dalka Soomaaliyeed oo kaashanaya kuwa Mareykanka ay qaadeen, iyagoo wax ka qabanaya khatarta joogtada ah ee nabadda iyo horumarka dadka Soomaaliyeed iyo gobolka,” ayaa lagu yiri war-saxaafadeedka Dowladda Soomaaliya.
Warku ma faah faahin khasaaraha ka dhashay dagaalka ama weerar kale inta uu socday howlgalkan.