Haldoor:Taageero iyo tixgelin shirka hormoodka beesha Daa,uud Ismacil(Ciidagale)

Hargeysa Aug 25,2013(SDN)-Ururka Samafalka ee Dhalinyarada Somaliland ee magaciisa la yidhaahdo Haldoor ayaa Baaq Taageero ah isla berber taagay shir waxgaradka beelaha Daa’uud Garxajis(Ciidegale) dhawaan isgu yimaadeen,Qoraalkan ururku ka soo saaray shirka oo uu Guddoomiye Siciid Cabdi Dheen ku sexeexan yahay ayaa sidan u Qoraa:

” Bismillaahi Arramanirraxeem.Umadda reer Somaliland waxaanu idin leenahay Asalaamu calaykum wa raxma tullaah wa barakaatuh.Allah ayaa mahad mudan,rasuulkiisa Muxamed naxariis iyo nabadgelyo korkiisa ha ahaato.

Ururka Samafalka ah ee Haldoor.org  waxaa uu taageero mug leh u fidinayaa shirka turxaan saarka ah ee ay isugu yimaadeen maalintii jimcaha kuna beegnayd 23/8/2013 hormoodka beesha Daa,uud Ismacil (Ciidagale) qaybahooda kala duwan gogoshana uu fidiyey Suldaanka guud ee beelaha Somaliland gaarahaan Suldaanka guud ee beesha Daa,uud Ismacil (Ciidagale)

Shirkaas oo muhiimad gaara u leh beeshaas gudaha  dalka  iy dibadaba waa mid qabsoomay wakhti ku habboon lagana dhaxli doona horumar la taaban karo iyo is afgarad waara.

Ururka Samafalka ah ee Haldoor waxaa uu soo dhowaynayaa wax kasta oo dalka Somaliland   horumar u horseedi kara.”

Allaa mahad leh
Guddoomiyaha Ururka Samafalka Haldoor.
Siciid Cabdi Dheen