gudoomiyaha wakaalada qurbajooga somaliland oo xilkii kaqaaday wakiilkii wakaalada qurba jooga ee imaaradka carabta

Guddoomiyaha Xafiiska Xidhiidhka jaaliyadaha JSL Mudane Maxamuud Cabdi-raxmaan Cali ayaa u magacaabay wakiil cusub xidhiidhka Jaaliyadaha Somaliland ee dalka Imaaratka Carabta. Sida ay noo xaqiijiyeen warar aannu ka hellay Xafiiska Xidhiidhka Jaaliyadaha JSL xaruntiisa Hargeysa, wuxuu Guddoomiyuhu u magaacabay Wakiilka Xafiiska Xidhidhka Jaaliyadaha dalka Imaaraatka Carabta Marwo Khadan Maxamed Cismaan oo ka tirsan jaaliyadda Somaliland ee dalka Imaaraatka.
Dhinaca kale, Guddoomiyaha Xafiiska Xidhiidhka Jaaliyadaha JSL Mudane Maxamuud Cabdi-raxmaan Cali wuxu xilkii ka qaaday wakiilkii hore ee dalkaas Hana Maxamed Cali oo hore xilkaas loogu magacaabay.
Illaa haatan lama garanayo sababta uu Guddoomiyuhu xilkii uga qaaday wakiilka hore Hana Maxamed Cali oo muddo gaaban uun xilkaas haysay. Mar aannu isku daynay inaanu arrintan Guddoomiyaha waxka waydiinno, noomay suuragelin inaanu khadka telefoonka ku hello.
Si kastaba ha ahaatee, wakiilka hore Hana Maxamed Cali ayaa muddo illaa shan bilood ah ku magacawnayd xilkaas.

Cabdi-wali Yuusuf Maxamuud
Reporter