Gudida Somaliland Society UK oo Hambalyeeyay Sadexda Xisbi Qaran ee cusub iyo Ururada Hadhay
London 27,2012(SDN)-Gudida Somaliland Society UK “SSUK” iyo dhamaan bulshada Somaliland eek u nool UK waxa ay si wadajir ah ugu Hambalyeynayaan saddexda xisbi qaran ( Kulmiye, Wadani iyo UCID) ee ku soo baxay tartankii doorashooyinka ka qabsoomay Somaliland.
Gudidu waxa ay sidoo kale hambalyo iyo bogaadin u soo jeedinayaan ururada Rays, Ummada, Dalsan iyo Xaqsoor uguna hambalyeenayaan sida sharafta leh ee ay ugu tudheen dalkaooda una eegeen danta guud iyo hambalyada ay u jeediyeen xisbiyada u soo baxay qaranka.
In kasta, inkasta oo tabashooyinku badnaayeen se nolol baa ka badan, isu tanaasulka iyo wadajirkuna waa gaddii lagu yaqaan bulshada Somaliland……
Gudida Somaliland Society UK “SSUK” oo ku hadlaya magaca bulshada reer Somaliland eek u dhaqan UK waxa ay u soo jeedinayan saddexda xisbi qaran ee soo baxay qodobadan hoos ku xusan:
1. In danta dalka iyo dadka dhamaan dhan uga soo wada jeedsataan.
2. In laga dheeraado danta shakhsiyadeed loona ordo danta guud.
3. In dalku waxa hadheeyey qabyaalad aan meel gaadheene si wada jir ah loola dagaalamo.
4. In gobalada, dagmooyinka, magaalooyinka iyo tuulooyinka dalka dhamaan la wada gaadhsiiyo baahiyaha adeeg loona kala hormariyo sida loo kala baahi badanyahay…
5. In dhamaan saxaafada dalka dhan kasta dib u eegid lagu sameeyaa. Lana hor mariyaa tayadooda iyo aqoontoodaba, Loogana digaa ama laga mamnuucaa dhamaan qabyaalada iyo dhan u xaglintaba….
Gabagabadii waxaan hambalyo u diraynaa gudida doorashooyinka qaranka oo soo gabagabeeyey xilkii la saaray soona gunaanaday:
Hambalyo Hambalyo Hambayo…
Gudida SSUK
London