Gudida Qaban qaabada Xuska 18 May oo Fariin u diray Shacabka Somaliland {DHAGAYSO}

Hargaysa 02.May (SDN)  Gudida Qaban qaabada Xuska 18 May ee dib ula soo noqoshada Madax banaanid Jamhuuriyada Somaliland ayaa Shir Jaraa’id oo ay maanta ku qabteen Caasimada Hargaysa waxay baaq u direen Guud ahaan Shacabka Somaliland Meel Kasta oo ay Joogaan kana dalbadeen Inay Si Milgo iyo Maamuus leh u Weyneeyaan Xuska 22 Guurada Madax banaanida Somaliland.

Gudidan ooo uu Gudoomiye u yahay Wasiirka Wasaarada Arrimaha Gudaha Mudane Maxamed Nuur Caraale Duur ayaa bulshadfa somaliland ka dalbaday inay Si weyn u Muujiyaan Xuskan isla markaana dareen Midaysan Mucaarid iyo Muxaafidba ku qaabilaan

Shirkan Jaraa’id waxaa kale oo ka hadlay Wasiirada Waxbarashada,Kalluumaysiga,Wershadaha,Maayarka Caasimada,Maayarka Caasimada Hargayasa iyo Xubno kale. 

Dhanka kalena,Kulankaas oo ay ka hadleen, wasiirka wasaarada kalluumaysiga iyo khayraadka badda Mud, Cabdillahi  Jaamac Cismaan-Geel-jire-, Wasiirka Waxbarashada Marwo SamSam Cabdi Aadan,Wasiirka  Wasaarada wershadaha Mud, C/risaaq   Cali cismaan, Maayirka Caasiimada C/raxmaan maxamuud Caydiid,iyo Xubnaha kale ee Gudiga ayaa ugu baaqay dadweynaha , inay si  balaadhan  uga qayb qaataan sanad Guurada xuska  la soo noqoshada  madax-banaanida somalilansd ee 18Ka,May. Iyaga oo  ujeediyey  Jaaliyadaha somaaliland ee dibadda ku dhaqan inay  iska kaashadaan sidii  ay ugu  muujin lahaayeen  cududooda  qaranimada  somaaliland. Iyaga oo  sheegay inay kala qayb qaadan doonaan  wufuud  golayaasha qaranka ka tirsani.

Waxa kale oo Guddigu ay war-baahinta dalka  ujeediyeen  inay door weyn ka qaataan wacyi gelinta  abaabulka xuskan iyo soo bandhigidda  taariikhda madax-banaanida Somaliland iyo horumarkeeda.

[peckplayer id=”1″ sound=”http://www.qurbejoog.com/waraysiyo/Gudiqabanqaabo2(1).mp3″]

Hargaysa SDN.

Qurbejoog.com