4:33 pm | Posted by

Golaha Wakiilada oo Meel Mariyay Ajandaha Kalfadhigooda 27aad iyo Qodobada uu Xambaarsan yahay

Hargeysa Hargeysa  16.March 2015 (SDN/QJ) -Mudaneyaasha Golaha wakiilada Somaliland, ayaa maanta ansixiyay Ajandaha kalfadhiga 27-aad ee golaha wakiilada oo dhawaan furmay kadib markii shalay mudaneyaashu ka doodeen.

 

 

Photo File

Photo File

Fadhiga oo uu gudoominayay Gudoomiye Cabdiraxmaan Cirro, waxaa goob joog ahaa 45 mudane, waxaana cod loo qaaday ku ogolaaday ajandaha 33, waxaa diiday 11 mudane, halka hal mudane ka aamusay, sidaasna Ajanduhu ku ansaxay.

Ajandaha Kalfadhigan, ayaa ka kooban 8 xeer oo uu ka mid yahay xeerka lagu dooranayo Golaha wakiilada, waxaanay kala yihiin:-

1 . Xeerka Duulista iyo Hawada

 

  1. Xeerka Waxbarashada Qaranka

 

  1. Xeerka Nidaamka Xukuumada

 

  1. Xeer hoosaadka Golaha wakiilada

 

  1. Xeerka Ka ganacsiga Hawlaha Bangiyada

 

  1. Xeerka Ladagaalanka Argagixisada

 

  1. Xeerka Doorashooyinka Golaha wakiilada

 

  1. Xeerka Caasimada.

Golaha ayaa la filayaa inuu Xeerarkaasi ansixiyo inta uu socdo kal fadhigani, waxaanu Gudoomiye Cirro sheegay in aroorta la bilaabi doono hawlaha Shaqo ee Golaha.

Comments are closed