Golaha Guurtida oo dood ka Yeeshay Siyaasada Guud ee Arrimaha Bulshada Somaliland

Hargaysa 05.Jan 2014 (SDN)- Fadhigii maanta ee golaha guurtida Jamhuuriyada Somaliland  oo uu shir gudoominayey, Gudoomiyaha Golaha  Md, Saleebaan Maxamuud Aadan  ayaa mudanayaasha golahu waxay dood ka yeesheen qodobka shanaad ee ajandahooda oo ku saabsan siyaasada  arrimaha bulshada .

Mudanayaashu waxa kale oo  fadhigaas ay  si qoto dheer ugaga doodeen qodobada kala ah dhaqanka iyo hidaha, nadaafada guud ku wacyigalinta bulshada  hab dhaqanka dawladnimo, iyo sidii   looga digtoonaan lahaa saamayta   bulshada  ay ku yeeshaan  mukhadiraadka iyo balwadahu.

Dhanka kalana waxa mudanayaashu  soo jeediyeen  in mudaharadada dalka ka dhaca siyaasad cad xukumadu ka soo saarto sida loola  tacaalayo .

Gaba gabadii fadhigaas  gudoomiyaha golaha guurtida ayaa mudanayaasha u soo jeediyey hadal dardaaran ah oo la xidhiidha xasiloonida iyo nabadgalyada dalka ka jirta.

Hargaysa SDN.

Qurbejoog.com