Giggs oo Dhoola Cadeeyey Rooney Iyo Mata oo Ku Durduriyey Markii Man United 4-0 Ku Suldaartey Norwich.By Jaahuur.

London-27-April-(SDN)-Akhyaartay faaqidaadeena ciyaaraha waxaynu eegeynaa tababaraha cusub Man United  una soo kifaaxay Ryan Giggs ayaa dhoola caddeeyey galabta markii kooxdiisu badisey una ahayd tii ugu horeysey.

Giggs oo shaqada kala wareegey Moyes oo toban bilood oo kaliya hayey ayaa sii wadi doona inta ka hadhsan horyaalka si ku meel gaadha ah.

Haddaba ciyaartii dhexmartay Man United iyo Norwich Giggs-na ku dhoola caddeeyey,waxay ka dhacdey garoonka weyn ee Old Trafford aadna u xiisa badneyd.

Qaybtii hore ee ciyaarta oo aay Man United garoonka maamulaneysey daqiiqaddii 41-aad waxaa gool rigoore ah u saxeexay Rooney kii labaadna isla isaga ayaa u raaciyey daqiiqaddii 48-aa.

Qeybtii labaad ee ciyaarta ayaa Man United oo ciyaar wanaageedii sii wadata daqiiqaddii 63-aad waxaa goolkii 3-aad u dhaliyey Mata kii quusgoyntana isla isagaa ayaa ku sagootiyey.

Man United 4 Norwich 0.

Ryan Giggs saddexda tababare ee shaqeynaya oo aay isla soo kifaaxeen waxaa ka mid ah Phil Nevilla,Nicny Butt,iyo Paul Scholes.

W/qorey Jaahuur

SDN

jjaahuur@hotmail.com