Germany oo 4-2 Ku Dhirbaaxdey Greece Euro Quarter Final.

Ukerain-June-22-2012-qurbejoog.com-Saaxiibayaal barnaamijkeena ciyaaraha waxaynu8 ku eegeynaa horyaalka kubadda cagta ee qaaradda yurub oo si habsami ah u socda laguna gudajiro quarter finalkii.

Akhyaartay ciyaartii labaad ee quarter finalka waxaa maanta oo jimaco ah foodda islagaley Germany iyo Greece,ciyaartan oo runtii la wada sugayey waxaa ka soo qeybgalay dadweyne aad u tiro badan dabcan waxaan ka maqneyn taageerayaasha labada dhinac.

Qeybtii hore ee ciyaarta ayaa isu dheeli tirneyd runtiina Griigga oo ku guuleystey koobkan 8-sanno ka hor ayaan la dhayel sankarin,laakiin daqiiqaddii 30-aad waxaa Germany u suurta gashey iney dhashadaan goolkii ugu horeeyey waxaana u saxeexay Lehm.

Haddaba ciyaartii qeybteedii dambe ayeey sheekadu isbadeshey oo looga naxsadey Germany Gool waxaana Griiga u saxeexey daqiiqaddii 55-aad Samaras,intaa ka dib giriigu waxay galeen difaac una muuqatey iney rigoorayaal ku nasiibsadaan,laakiin Germany oo ka faa”iideysateyb ayaa daqiiqaddi 61-waxaa gool aad u quruxbadan Germany u dhaliyey Khdira,kii sadexaadna waxaa daqiiqadii 68-aad u raaciyey Klos,kii afraadna ee nied jabka waxaa u raaciyey daqiiqadddii 74-aad Reus,halka Giriigu daqiiqaddii 89-aad rigoore keensadey.

Saaxiibayaal ilaa iyo hadda waxaa Semi final u soo baxay Portugal iyo Germany,bari oo sabti ah June 23-waxaa hilfaha isuqaadi doona Spain iyo France haddii uu ilaahay ka dhigo.

W/D-Jahuur

qurbejoog.com