Gabdho Soomaali ah oo ku dhaawacmay weerarkii Westgate Mall oo Toronto loo soo qaaday

Toronto Sept 30,2013(SDN)-Laba gabdhood oo da’yar ah oo ku dhaawacmay weerarkii dhawaanta lagu qaaday xarunta ganacsiga ee Westgate Mall ayaa loo soo qaaday dalkan Canada.

Fardoowsa iyo Dheeman Cabdi ayaa kolkii ay ka soo degee magaalada Toronto waxa si toos ah loo geeyay cusbitaalka SunnyBrook Hospital.

Dheeman cabdi oo iyadu qabta dhaawac culus oo lugaha ka soo gaaray ayaa u baahan in dhakhaatirrta Canada ay xaalada la tacaalaan.

Dheeman ayaa intii ay Nairobi ku sugneyd waxa ay dhakhaatiirta Kenya ku sameeyeen dhawr qaliin oo ay wehelisay dhiiga oo dhawr jeer laga bedelay.

Labadan Gabdhood oo ku dhashay magaalada Toronto ayaa da’doodu kala tahay 16 iyo 17 jir,waxaaney mudo haatan laga joogo afar sanadood ay ku noolaayeen magaalada Nairobi.

Si kastaba ha ahaatee ma cada in qoyska gabdhahani ay la soocdeen iyo in cid kale ay ku wehelisay safarkoodan ay dib ugu soo noqdeen Toronto.

Warbaahinta dalkan Canada ayaa aad u hadal heysay weerarka iyo dhaawaca gabdhahan ka soo gaaray.

SDN-Toronto
contact@somalidiasporanews.com